Saint-Étienne

D'Kierch zu Furen ass eng kathoulesch Kierch, déi zur Par Parc Our Saint-Nicolas, zum Dekanat Norden an zu der Gemeng Tandel gehéiert. De Patréiner vun der Kierch ass den hellege Stephanus (Étienne), deem säi Fest de 26. Dezember gefeiert gëtt. D'Kierch steet zu Furen an der Kierchestrooss, déi op engem Enn mam CR354 an op deem aneren Enn mat der N17B verbonnen ass. Se gouf den 2. Mäerz 2018 als nationaalt Monument klasséiert. Zu der fréierer Par Fure gehéieren ausser der Parkierch vu Furen och nach d'Filialkierch vu Bëttel, d'Gehaanskapell vu Waalsdref an d'Kapell vu Longsdref.