Santuariu de la Virxe del Remediu

El Santuariu de la Virxe del Remediu ta asitiáu nel caserío de «El Remediu» del conceyu de Nava y ye la parroquia asitiada más al oeste del conceyu «navetu» llendando colos conceyos de Siero, Bimenes y Sariegu y el ríu principal ye'l ríu Nora, afluente del ríu Nalón. Magar primero construyóse una ermita a la que pertenecía una cofradería, nuna finca llamada «Llosa el texu». Suel haber un enclín popular a magnificar les llamaes «ermites menores» pa convertiles, de papu sanu, en santuarios cuando realmente nun lo son. Pa estremar una d'otra, cosa non fácil, tien de tenese en cuenta lo que la Ilesia diz avera del asuntu. El Canon 1230» diz: Magar nun establez una ríxida diferencia, pero da una pauta a siguir pa denominar a estos centros de pelegrinación d'una forma o otra. Nesti casu, el fervor popular dende va sieglos y l'arribación actual a les fiestes del santuariu, referencia espiritual del conceyu de Nava paez que ten de ser consideráu como santuariu y asina se manifiesta la ilesia d'Uviéu cuando se refier a esti templu.