Gereformeerde kerk Andeon

Die Gereformeerde kerk Andeon was ’n gemeente van die Gereformeerde Kerk (GKSA) in die noordweste van Pretoria wat tot 1980 bekendgestaan het as die Gereformeerde kerk Pretoria-Booysens. Die gemeente het op 19 April 2025 een geword met die Gereformeerde kerk Bergsig nadat die pastorie en kerkgeboue reeds verkoop was. Die gemeentegrense sluit, buiten die gelyknamige woonbuurt, ook Booysens, ’n gedeelte van Claremont en Kirkney in. Einde 2001 was hier 280 belydende en 89 dooplidmate, wat tot einde 2014 afgeneem het tot onderskeidelik 202 en 54. 'n Jaar later was dit 195 en 46.